In Loving Memory of our dear Mom and Dad

In Loving Memory of our dear Mom and Dad

Pi (L) Ngamzaching             Pu (L) Khaichinkham

(1919 – Jul 7, 2006)          (1916 – Sep 14, 2006)

Samte Selthuam hah-le-suonte Pu (L) Lamdou leh Pu (L) Lamkhai-te unau in a tate uh Pu (L) Gouhau leh Pu (L) Gouthang leh innkuon unau themkhat tawh Haipi, Burma apat Siellutaah, India ah khuo ana sat ua, tuazou in Ngalzang, India khuo ana saat uhi. Pu (L) Khaichinkham khu 1916 pawl in apieng a, Pi (L) Ngamzaching khu 1919 pawl in apieng hi. 1940s pawl in Tangpizawl ah laisim diing in ani Pi (L) Zelkhodon-te inn ah aum a, ani tanu Thangnawh numei Pi (L) Ngamzaching tawh ana kiteengta uhi.

Ata masapen uh Nu Manzachiin khu Ngalzang khuo ah 1944 in apieng hi. 1946 kiimpawl in Tangpizawl hausapu Pu (L) Goukai Manlun chielna tawh gam at diing ngah in Tangpizawl khogei Mawngpichiem vum a kum nga ateen jou nua un khomipite thu-le-laa atamseng zieh in gam ki-attalou in Tangpizawl ah ana teengta uhi. Tuanah a tapa taahpeen uh Pa Hausuanthang 1953 in anei ua, tuazou in 1956 pawl in Pa Thangkhanmaang anei ua, 1959 pawl in Kapsuanhang leh 1962 pawl in ata tumpen uh Pa Kapkhanthang anei uhi. A tute uh:

1) Ata upapen Nu Manzachiin w/o Pa Pumchinthang (Tangpizawl) tate: Pumsuanmaang, (L) Chingdeiniang, Manneilam, Nienngainuam, Niengsuanching, Thangkhanlian, Maangkhanlian leh Ningngainiang.

2) Atapa upapen Pa Hausuanthang h/o Nu Chiinkhanniang (Shillong) tate: Khai Minthang, Chiinhauching leh Hanglianlal

3) Atapa nina Pa Thangkhanmaang h/o Nu Nianngainiang (Tangpizawl) tate: Khaimuanthang, Ginminlun, Ginlianthang, Chiinsianching, Lianneithang, Thangsuanlian, Chingneihoi leh Samuel Thangsianlal

4) Atapa thumna Mr. Kapsuanhang in zi nei nailou.

5) Atapa tumpen Pa Kapkhanthang h/o Nu Dimkhoman (Tangpizawl) tate: Thangmuanlun, Niangzoukim, Chingsangmawi, Mangzalian leh Thangkhanlang

Pu (L) Khaichinkham damlai a ala deite:

1) a) Khosa tang, khosa tang, chimtui kamkei khua sa’ng (ee); b) Chimtui kamkei khua sa’ng (ee), Belbang suan lawm aw (ee).

2) a) Huangsuon be leh ii sawn momnou va jawljawl lei ahing jamjam ee; b) Va jawljawl lei ahing jamjam a, gamgit va bang hawl lei lengleng ee

3) a) Sa kamkei bang gimnei tang ee, palva lawsan bang khan ee; b) Palva lawsan bang khan ee, vahou lu bang sang namchin sawl khai ing ee

4) a) Vuisai simlu piendang sang ee, seinou guol aw hing en di uo; b) Seinou guol aw hing en di un, sunni bang en chim lang ee

~ Rest in Peace ~

With love from: Pa Hausuanthang’s family and relatives